१० कात्तिक, कोहलपुर । ईलाका प्रहरी कार्यालय कोहलपुर अगाडि मोटरसाइकल दुघर्टना हुँदा १ जनाको ज्यान गएको छ ।
शुक्रबार साँझ ४ बजेको समयमा नेपालगन्जबाट सुर्खेत तर्फ जाँदै गरेको भे ५ प ५०५ नम्बरको मोटरसाइकल अनियन्त्रित भई दुर्घटना हुँदा नेपालगन्ज ११ निवासी अमृत गुप्ताको मृत्यु भएको ईलाका प्रहरी कार्यालय कोहलपुरले जनाएको छ ।
दुर्घटनामा परी मोटरसाइकल चालक सुर्खेतको बिरेन्द्रनगर नगरपालिका वडा नम्बर ११ बस्ने वर्ष २७ को रनवीर चपाई घाईते भएका छन ।
प्रहरीका अनुसार तिब्र गतिमा रहेको मोटरसाईकल अनियन्त्रित भई ट्याक्टरमा ठोक्किएको थियो । नेपालगन्जबाट कोहलपुरतर्फ आईरहेको भे २ त २४३ नम्बरको ट्याक्टरलाई ओभरट्याक गर्न खोज्दा भे ५ प ५०५ नम्बरको मोटरसाईकल ट्याक्टरमा ठोक्किएको थियो ।
ट्याक्टरमा ठोक्किएर अनियन्त्रित भएको मोटरसाईकलले भे२प ८२८ नम्बरको अर्को मोटरसाईकललाई समेत ठक्कर दिएको जनाएको छ ।
दुर्घटना लगत्तै घाईते भएका दुबैलाई उपचारकालागि नेपालगन्ज मेडिकल कलेज शिक्षण अस्पताल कोहलपुर लगिएकोमा उपचारको क्रममा गुप्ताको मृत्यु भएको प्रहरीले जनाएको छ ।
कोहलपुर खबर । १० कार्तिक २०८०, शुक्रबार १८:३९