१३ जेठ, कोहलपुर । प्रेस सेन्टर नेपाल जिल्ला समन्वय समिति बाँकेले आज रक्तदान कार्यक्रम गरेको छ ।
कृष्ण सेन “इच्छुक” को स्मृती दिवसको अवसरमा आईतबार नेपालगन्जमा रक्तदान कार्यक्रम आयोजना गरीएको हो । रक्तदान कार्यक्रममा २६ जनाले रक्तदान गरेका छन् । भेरी अस्पतालको हाताभित्र रहेको रक्त संचार केन्द्रमा भएको रक्तदान कार्यक्रममा बिभिन्न क्षेत्रका २६ जनाले रक्तदान गरेको प्रेस सेन्टर नेपाल बाँकेका अध्यक्ष राजेश आचार्यजले जानकारी दिए ।
कृष्ण सेन “इच्छुक”ले नेपालमा भएका परिवर्तनकारी आन्दोलनमा ठुलो त्याग र बलिदान गरी महत्वपुर्ण भुमिका खेलेको रक्तदानका कार्यक्रमको उद्घाटन शत्रमा बोल्दै कार्यक्रममा सहभागी अतिथिहरुले उल्लेख गरेका थिए । प्रेस सेन्टर नेपालका केन्द्रिय सचिव सिराज खानले सहिद सेनको वैचारिक र सांस्कृतिक व्यक्तित्वको प्रशंसा गर्दै सेनको जीवनीबाट सबैले पाठ सिक्नुपर्ने धारणा राखे । कार्यक्रममा बोल्दै प्रेस युनियन बाँकेका अध्यक्ष प्रिया स्मृती ढकालले नेपाली पत्रकारीता क्षेत्रमा कृष्ण सेन “इच्छुक” को योगदान महत्वपूर्ण रहेको उल्लेख गरे ।
प्रेस सेन्टर नेपाल बाँकेका अध्यक्ष राजेश आचार्यको अध्यक्षतामा भएको कार्यक्रममा नेकापा माओवादी केन्द्रका लुम्बिनी प्रदेश समिति उपाध्यक्ष दुर्गा थारु , प्रेस सेन्टर नेपालका केन्द्रिय सदस्य तथा बाँके इन्चार्ज डा. डक्टप्रसाद धिताल, नीति तथा परामर्श समितिका सदस्य सुशील शर्मा लामीछाने, केन्द्रिय सदस्य शिव सुनार, प्रदेश उपाध्यक्ष प्रदीप वाग्ले, लुम्बिनी प्रदेश सचिव गजेन्द्र गुरुङ, आलम खान लगायत बिभिन्न संघ संस्था तथा प्रतिनिधिहरुको उपस्थिति रहेको थियो ।
देशब्यापी रुपमा कृष्ण सेन “इच्छुक” को स्मृती दिवसका अवसरमा बिभिन्न कार्यक्रम आयोजना गरीएका छन । जसअन्तर्गत बाँकेमा रक्तदान कार्यक्रम आयोजना गरीएको हो ।
तत्कालीन शाही सरकारले २०५९ साल जेठ ६ गते गिरफ्तार गरी पत्रकार सेनको ७ दिनपछि जेठ १३ गते महेन्द्र पुलिस क्लबमा चरम यातना दिएर हत्या गरेको थियो । सोही दिनको स्मृतीमा हरेक वर्ष जेठ १३ गते कृष्ण सेन ईच्छुकको स्मृती दिवस मनाउँदै आईएको छ ।
कोहलपुर खबर । १३ जेष्ठ २०८१, आईतवार २२:२८