१४ असोज, कोहलपुर । बाँकेको कोहलपुर नगरपालिका १२ चप्परगौडीमा टिप्परले ठक्कर दिदा एक जनाको मृत्यु भएको छ । आईतबार बिहान ११ः३० बजेको समयमा स्थित पूर्व पश्चिम सडक खण्डमा पश्चिमबाट पूर्वतर्फ जादै गरेको भे १ क २०२९ नं. को टिप्परले साइकललाई ठक्कर दिँदा घाईते भएका पतिराम थारुको मृत्यु भएको हो ।बैजनाथ गाउँपालिका वडा नं. ४ तिलक पुर बस्ने ७० वर्षिया थारुलाई टिप्परले ठक्कर दिदाँ उनको टाउको अनुहार दाँया खुट्टा हात र दाँया कानमा चोट लागेर गम्भिर घाईते भएका थिए ।ठक्करबाट गम्भीर घाईते भएका थारुको उपचारका क्रममा नेपालगन्ज मेडिकल कलेज शिक्षण अस्पताल कोहलपुरमा मृत्यु भएको प्रहरीले जनाएको छ ।टिप्पर र चालकलाई नियन्त्रणमा लिएर थप अनुसन्धान अघि बढाएको इलाका प्रहरी कार्यालय कोहलपुरले जनाएको छ।
कोहलपुर खबर । १४ आश्विन २०८०, आईतवार १८:३४