९ जेष्ठ ,पोखरा / पोखरामा मोटरसाइकल दुर्घटना हुदा एक जनाको मृत्यु र एक घाइते भएका छन् ।
मंगलबार बिहान भएको दुर्घटनामा घाइते मोटरसाइकलमा सवार काठमाडौं कपनका १८ वर्षीय सफल खतिवडाको उपचारका क्रममा मृत्यु भएको जिल्ला प्रहरी कार्यालय कास्कीले जानकारी दिएको हो ।
चालक तनहुँको म्याग्दे गाउँपालिका–४ थर्पु बस्ने १७ वर्षीय संगम बानियाँको टाउको र घाँटीमा चोट लागेको छ। पोखरा महानगरपालिका–६ खहरेचोकस्थित हल्लनचोकबाट गैह्राको चौतारातर्फ जाँदै गरेको ग.२४.प. ३१०, नम्बरको मोटरसाइकल अनियन्त्रित भई सडकको छेउमा रहेको बिजुलीको खम्बामा ठोक्किएको थियो ।
वडा प्रहरी कार्यालय बैदामबाट गएको प्रहरी टोलीले घाइतेलाई उद्धार गरी उपचारका लागि मेट्रो सिटी अस्पताल पठाएको हो। प्रहरीले दुर्घटनाको अनुसन्धान भइरहेकोजानकारी दिए ।
कोहलपुर खबर । ९ जेष्ठ २०८०, मंगलवार १०:४८