७ साउन कोहलपुर / बाँकेको बैजनाथ गाउँपालिकामा कोहलपुर जेसिजले वृक्षारोपण कार्यक्रम सम्पन्न गरेको हो । बैजानाथ गाउपालिकाको प्राङ्गणमा सुरु गरिएको बृक्षारोपण कार्यक्रममा ७५ वटा जातका बिभिन्न बिरुवाहरु रोपिएको थियो ।
उक्त कार्यक्रममा बैजनाथ गाउँपालिका अध्यक्ष प्रकाश बहादुर शाहीले वृक्षारोपण गरी कार्यक्रम सुरु गर्नुभएको भएको थियो ।
बर्ष २०२२ का अध्यक्ष जेसी ईश्वर शर्माले मानव जाती र वनस्पतिको सम्बन्ध बिना जिउन गाह्रो हुनका साथै पर्यावरणको संरक्षण हाम्रो दायित्व भन्ने मुल मन्त्र सहित दिगो बिकासका लागि १७ लक्ष्य मध्ये १५ औ बुदा दिगो वन व्यवस्थापन र जैविक विविधताको संरक्षणको महत्व दर्शाएका थिए ।
कार्यक्रममा कोहलपुर जेसिज, जुनियर जेसिज, सम्भावित बैजानाथ जेसिजका पदाधिकारीहरुका लगायत बैजनाथ गाउकार्यपालिकाका पदाधिकारीहरुको सहभागिता रहेको कार्यक्रम संयोजक जेसी रविन गौतमले जानकारी दिनुभयो थियो ।
कोहलपुर खबर । ७ श्रावण २०७९, शनिबार २३:४६