३० असार, सुर्खेत । सुर्खेतको बिरेन्द्रनगरमा कर्णाली प्रदेशकै नौलो “गोरेटो बार रेस्टुरेन्ट तथा लाईभ म्युजिक बार” को उद्घाटन भएको छ।
बिहीबार नेपाली काङ्ग्रेस जिल्ला कार्य समिती सुर्खेतका सह-सचिव समेत रहेका कलाकार हरि बिष्टद्वारा संचालित गोरेटोको कर्णाली प्रदेशका मुख्यमन्त्री जीवनबहादुर शाहीले उद्घाटन गरेका हुन ।
उद्घाटन कार्यक्रममा बोल्दै शाहीले कर्णालीको समग्र विकासका लागि गोरेटोले महत्वपूर्ण भुमिका खेल्ने बताए । उनले भने, ‘अहिले पनि कर्णाली आउनेले गुनासो गर्ने गर्दछन् यहाँ राम्रो होटल छैन । आरामदायी स्थान छैन, अब यो गुनासो गोरेटोले कम गर्ने छ ।’
बारको ओपनिङ्ग समारोह बिहिबार, शुक्रबार र शनिबार गरि ३ दिनसम्म चल्नेछ । यो बारमा जुम्बा, टिपिकल डान्स, फुटसल, फेसिएल लगायतका सेवा सुविधा रहेका छन् ।
बारको संचालक राजनितीज्ञ, युवा अभियान्ता, कलाकार तथा खेलाडी हरि बिष्ट र पत्रकार जोति कटुवालकोले सयुक्त संचालनमा ल्याएका हुन ।
गोरेटो कर्णाली प्रदेशका नागरिकको लागि साच्चै गोरेटो बन्ने छ यसले हाम्रो कला, सस्कृती र सम्पदा सङ्गै सबैको सारथि बन्ने संचालक बिष्टले बताए ।
कोहलपुर खबर । ३० असार २०७९, बिहीबार १६:३०