३ भदौ, नेपालगन्ज । शनिबार सम्पन्न नेपालगन्ज उद्योग बाणिज्य संघको निर्वाचनको मतगणना शुरु भएको छ । अहिले सदस्यतर्फका उम्मेदवारहरुको मतगणना भइरहेको निर्वाचन समितिले जनाएको छ ।निर्वाचन समितिका अनुसार पौने १० बजे मतगणना शुरु भएको हो । मतगणना ८ ठाँउमा शुरु गरिएको छ।निर्वाचनमा व्यवसायीहरु दुई प्यानल बनाएर चुनावी प्रतिष्पर्धामा उत्रिएका थिए । साझा प्रजातान्त्रिक र समावेशी प्यानल प्रतिष्पर्धामा छन् ।साझा प्रजातान्त्रिक समूहबाट अध्यक्षमा ललितकुमार रौनियार नेतृत्वको प्यानल र समावेशी समूहबाट टंकबहादुर धामी नेतृत्वको प्यानल छन् । सम्पन्न उद्योग बाणिज्य संघको निर्वाचनमा ८३ प्रतिशत मत खसेको थियो । निर्वाचन समितिका अनुसार ४९३१ मतदाता मध्ये ४१३२ जनाले मतदान गरेका थिए ।
कोहलपुर खबर । ३ भाद्र २०८०, आईतवार ११:५२