५ असार, बर्दिया / बर्दियामा बसको ठक्करबाट एक जनाको मृत्यु भएको छ । बर्दियाको बाँसगढी नगरपालिका– ९ माछागढ चोकमा यात्रुबहाक बसको ठक्करबाट मोटरसाइकल चालकको मृत्यु भएको हो ।
दुर्घटनामा परेर मोटरसाइकल चालक स्थानीय ५० वर्षीय दिलबहादुर केसीको मृत्यु भएको ईलाका प्रहरी कार्यालय मोतिपुर बर्दियाले जनाएको छ । पश्चिमबाट पूर्वतर्फ जाँदै गरेको सु प्र ०१–००१ ख २५८२ नम्बरले बसले शनिबार राती माछागढ चोकमा भे ११ प ७९५७ नम्बरको मोटरसाईकललाई ठक्कर दिएको थियो ।
दुर्घटनामा परेर गम्भीर घाइते भएका केसी लाई उपचारका लागि मेडिकल कलेज कोहलपुर लैजादैं गर्दा बाटोमा मृत्यु भएको थियो । बस र बस चालकलाई स्थानीय प्रहरीले नियन्त्रणमा लिएको छ ।
कोहलपुर खबर । ५ असार २०७९, आईतवार ०८:५७