९ साउन,जुम्ला । जुम्लामा १२ हजार पशुलाई लम्पी स्किनको रोेग बाट सङ्क्रमित भएका छन ।स्थानीय तहका करिब १२ हजारभन्दा बढी पशु ‘लम्पी स्किन’ बाट सङ्क्रमित भएका छन्।
जिल्लाका आठवटै ःस्थानीय तहका प्रकोपको रूपमा फैलिइरहेको रोगले १२ हजार ५०० गाईभैँसी, गोरु, बाछाबाछी सङ्क्रमित भएको पशु अस्पताल तथा पशु सेवा कार्यालय जुम्लाका प्रमुख ज्ञानेन्द्रसिंह बुढ्थापाले बताए। उक्त रोगबाट मरेका पशुको सङ्ख्या र विवरण पठाउन भनी जिल्लाका स्थानीय तहलाई पत्रचार गरिएको छ। यकिन तथ्याङ्क आउन केही साता लाग्ने पशु अस्पताल तथा पशु सेवा कार्यालय जुम्लाको प्रमुख बुढ्थापाले जानकारी दिए।
कार्यालयबाट यहाँका स्थानीय तहलाई ७५ का दरले खोप वितरण गरिएको छ। बजेटअभावले सम्बन्धित स्थानीय तहलाई औषधि खरिद गरी उपचार गर्न निर्देशन गरिएको छ। स्थानीय तहमै पशु प्राविधिक खटाएको कार्यालय प्रमुख बुढ्थापाको भनाइ छ। अहिलेसम्म तीन हजार गाईभैँसीलाई औषधि वितरण गरिएको तिला गाउँपालिकाको पशु सेवा कार्यालयले जनाएको छ।
कोहलपुर खबर । ९ श्रावण २०८०, मंगलवार ११:०८