५ असार, जाजरकोट । रुकुमपश्चिम आठबिसकोट नगरपालिका ११ चिसापानी नजिकै राडीबाट रिम्नातर्फ जाँदै गरेको ग १ ज १८९७ नंको जिप दुर्घटना हुँदा चालक र सहचालकको घटनास्थलमै मृत्यु भएको छ ।
इलाका प्रहरी कार्यालय आठबिसकोटका अनुसार शनिबार साँझ भएको सो दुर्घटनामा मृत्यु हुनेमा चालक बाँफिकोट गाउँपालिका ८ दुलिका कविराम विक र सहचालक मुसिकोट नगरपालिका ११ का कमल खड्का छन् । जिपमा चालक र सहचालक मात्र रहेको जनाएको छ । प्रहरीका अनुसार जिप अनियन्त्रित भई भेरी नदीमा खसेको हो। (रासस)
कोहलपुर खबर । ५ असार २०७९, आईतवार ०८:४४