१३ कार्तिक, कोहलपुर । ईलाका प्रहरी कार्यालय कोहलपुरले चोरी भएको मोटरसाईकल सहित ३ जनालाई पक्राउ गरेको छ । पक्राउ पर्नेमा बाँकेको जानकी गाउँपालिका वडा नं. ५ बुढीहा गाउँ बस्ने ३५ वर्षिय मेहबुब ठाकुर, सोहि ठाँउका ३५ वर्षिय फारुक खान र ४० वर्षिय साकिर अली साई रहेको ईलाका प्रहरी कार्यालय कोहलपुरका डिएसपी ऐन बहादुर मल्लले जानकारी दिए ।
गत कार्तिक ८ गते साँझ वर्मा ब्रदर्श कन्ट्रक्सन प्रा.लि.को नाममा दर्ता रहेको भे १० प ३८७९ नम्बरको रातो रंगको पल्सर एनएस २०० मोटरसाईकल गत कार्तिक ८ गते घरको बरडामा पार्किङ गरेर राखेको अबस्थामा चोरी भएको थियो । ईलाका प्रहरी कार्यालय बाट खटिएको प्रहरी टोलीले चोरी गर्ने तिन जनालाई पक्राउ गरि आवश्यक अनुसन्धान अगाडी बढाएको डिएसपी मल्लले जानकारी दिए ।
साथै अत्याधीक ध्वनि प्रदुषण गर्ने दुई मोटरसाईकललाई ईलाका प्रहरी कार्यालय कोहलपुरले नियन्त्रणमा लिएको छ । भे १० प ८४५८ नम्बरको मोटरसाईकल र भे ७ प ६१६७ नम्बरको मोटरसाईकल नियन्त्रणमा लिएको ईलाका प्रहरी कार्यलय कोहलपुरका डिएसपी मल्लले बताए ।
कोहलपुर खबर । १४ कार्तिक २०७९, सोमबार ००:२४