२६ असोज कोहलपुर/ कोहलपुरको साँझाचोकको पूर्वपट्टी रहेको ज्ञानज्योति माद्यामिक विद्यालय बगियामा साना साना सपना नाटक प्रदर्शन हुने भएको छ ।
असोज २७ गते बिहीबार बेलुकी ५ बजेदेखि ५ः५५ बजेसम्म नाटक प्रदर्शन गरिने हाम्रो पूर्णिमा साहित्य प्रतिष्ठान कोहलपुरका अध्यक्ष कपिल अञ्जानले बताएका छन् । घिमिरे युवराजको परिकल्पना तथा निर्देशनमा नाटक प्रदर्शन गरिन लागिएको हो । नाटकका निर्देशन सहयोगी पवित्रा खड्का रहेकी छन् ।
शिल्पी थिएटरको मुख्य आयोजनामा कोहलपुरमा हुने “साना–साना सपना’’ खुल्ला नाटक प्रदर्शनको स्थानीय आयोजक दियालो परिवार रहेको छ भने समन्वय कोहलपुर नगरपालिका र हाम्रो पूर्णिमा साहित्य प्रतिष्ठान रहेको दियालो परिवारकी अध्यक्ष भावना पाठकले बताईन् ।
कोहलपुर खबर । २६ आश्विन २०७९, बुधबार १५:४९