१५ असोज कोहलपुर/ बाँकेको कोहलपुर नगरपालिकामा रहेको कोहलपुर वृहत शहरी खानेपानी उपभोक्ता संस्थाले विजया दशमी शुभ दिपावली तथा छ्ट पर्वको अवसरमा शनिबार एक विशेष कार्यक्रम गरि शुभकामना आदानप्रदान गरेको छ ।
कार्यक्रम बोल्दै कोहलपुर वृहत शहरी खानेपानी तथा उपभोक्ता संस्थाका संस्थापक अध्यक्ष नर बहादुर मल्लले शनिबार कार्यक्रम मार्फत शुभकामना दिदै यस संस्थामा जोडिएका सम्पुर्ण ५२०० जना भन्दा बढी उपभोक्ता लाई शुद्ध खानेपानी दिएको र आगामी दिनमा बबई डाइभर्सनको पानि कोहलपुरमा ल्याउने लक्ष्य लिएको बताएका थिए । शुद्ध खानेपानीको व्यवस्थालाई अझै सहज बनाउन प्रत्येक वडाबाट वडा कमिटी गठन गरिएको थियो।
वडा कमिटी सदस्यहरुलाई कार्यक्रममा नर बहादुर मल्लले प्रमाणपत्र वितरण तथा सपथग्रहण गराएका थिए अझै २ वटा वडाको कमिटी गठन गर्न बाकी रहेको अध्यक्ष मल्लले बताए।
कार्यक्रमका प्रमुख अतिथि कोहलपुर नगरपालिकाका कार्यबाहक मेयर र वडा नं १२ का वडा अध्यक्ष बिरेन्द्र कुमार शाहाले कार्यक्रममा शुभकामना दिदै कोहलपुर वृहत शहरी खानेपानी उपभोक्ता संस्थाले समाज र उपभोक्ताको लागि राम्रो काम गरेको भन्दै आगामी दिनमा यस संस्थालाई प्रगति तर्फ लैजानको निमित्त प्रतेक वडाका वडा सदस्यहरुले आफ्नो वडामा भएको खाने पानिको समस्यालाई सहज ढङ्गले समाधान गर्नुपर्ने बताएका थिए।
उक्त कार्यक्रममा बिभिन्न दलका शीर्ष नेताहरु लगायत ५६ जना भन्दा बढी व्यक्तिहरुको सहभागिता रहेको थियो।
कोहलपुर खबर । १५ आश्विन २०७९, शनिबार १४:३६