कोहलपुर ।
मुक्तिनाथ विकास बैंकद्वारा चित्रकला प्रतियोगिता त्रिभुवन माध्यमिक विद्यालय कोहलपुरमा सम्पन्न भएको छ ।
मुक्तिनाथ बिकास बैक लिमिटेड शाखा कार्यालय कोहलपुरले “protect your money secure your feture 2024” भन्ने नाराका साथ “global money week 2024” मनाएको हो । बैंकले यस अवसरमा कोहलपुर नगरपालिका वडा नम्बर १० मा रहेको त्रिभुवन माध्यमिक विद्यालयमा अध्ययनरत विद्यार्थीहरूबीच “चित्रकला प्रतियोगिता ” कार्यक्रम सम्पन्न गरेको हो ।
मुक्तिनाथ विकास बैंक कोहलपुर शाखाको आयोजनामा कार्यक्रमका प्रमुख अतिथि कोहलपुर नगर शिक्षा शाखा प्रमुख राम बहादुर हमालको प्रमुख आथित्यतामा कार्यक्रम सञ्चालन गरिएको थियो । मुक्तिनाथ विकास बैंकले यो कार्यक्रमको आयोजना गर्दा विद्यार्थीहरूमा सकारात्मक सन्देश र विद्यार्थीलाई थप ऊर्जा मिलेको शिक्षा प्रमुख रामबहादुर हमालको जिकिर गर्नुभएको हो ।
उक्त कार्यक्रममा त्रिभुवन माध्यमिक विद्यालयकी प्रधानाध्यापक देवका बस्नेत लगायत विभिन्न विषयगत शिक्षक शिक्षीकाहरूको उपस्थिति पनि रहेको थियो।
कार्यक्रममा १४ जना विद्यार्थीहरूको सहभागी रहेको थियो। १४ जना छात्र छात्रा बिच भएको प्रतिस्पर्धाको मूल्याङ्कन राज विक्रम चन्द (विक्रम शिशिर) ले गर्नुभएको थियो भने कार्यक्रमको सहजीकरण मुक्तिनाथ विकास बैंक लिमिटेडका अनुगमन प्रमुख सुन्दर पौडेल र शाखा प्रमुख अशोक कोइरालाले गर्नुभएको हो।
सामाजिक उत्तरदायित्व अन्तर्गत मुक्तिनाथ बिकास बैंक लिमिटेडले सन्चालन गर्दै आइरहेका विभिन्न कार्यक्रमहरूले समाजमा केही नयाँ फरक ऊर्जा दिँदै आइरहेको छ । उक्त चित्रकला प्रतियोगितामा डानियल परियार प्रथम, आयुष कुमार बर्नवाल द्घितिय र गुराश चन्द ठकुरी तिर्तिय स्थान हासिल गर्न सफल भएका छन् ।
कोहलपुर खबर । १० चैत्र २०८०, शनिबार २०:२४