कोहलपुर ।
कोहलपुर नगरपालिका वडा नं. ६ मा निशुल्क आँखा चेकजाँच शिविर संचालन भएको छ ।
कोहलपुर आँखा अस्पताल प्रा.ली. र नेपाली काँग्रेस कोहलपुर वडा नं. ६ को संयुक्त आयोजना र आधारभुत स्वास्थ्य चौकी कोहलपुर छ र रझेना स्पोर्टस् क्लवको समन्वयमा उक्त शिविर गरीएको हो । समुदायमा जाँऔ जनताका कुरा सुनौ भन्ने मूल नाराका साथ नेपाली काँग्रेसले संचालन गरेको समुदायमा काँग्रेस अभियान अन्र्तगत नेपाली काँग्रेस कोहलपुर वडा नं. ६ ले कोहलपुर आँखा अस्पताल प्राली संग समन्वय गरी उक्त शिविर संचालन गरेको हो ।
शिविर मा नेपाली काँग्रेस कोहलपुर वडा नं. ६ का वडा सभापति श्रीकृष्ण थारुको सभापतित्व, नेपाली काँग्रेसका प्रतिनिधि नम बहादुर आलेको प्रमुख आतिथ्यतामा, आँखा विशेषज्ञ रमेश शर्मा र कालि बहादुर डाँगीले आँखा चेक जाँच गरेका थिए ।
कोहलपुर आँखा अस्पताल प्रा.ली.ले कोहलुर का विभिन्न ठाँउहरुमा आँखा शिविर संचालन गर्दैै आइरहेको छ । उक्त शिविर बाट कोहललपुर नगरपालिका वडा नं. ६ का १८५ जनाले सेवा लिएको नेपाली काँग्रेस कोहलपुर वडा नं. ६ का वडा सचिव शिवध्वज शाहिले वताए । ।
कोहलपुर खबर । १८ माघ २०८०, बिहीबार २०:५८