३० भदौ, कोहलपुर । सल्यानमा एउटा घरको कोठामा आगलागी हुँदा आमाछोरीको मृत्यु भएको छ। मृत्यु हुनेमा त्रिवेणी गाउँपालिका २ धामिढुङ्गा बस्ने ३२ वर्षीया रेवती थापा र उनकी ९ महिनाकी छोरी ऋतु थापाको मृत्यु भएको जिल्ला प्रहरी कार्यालय सल्यानले जानकारी दिएको छ।
शुक्रबार राति आफ्नै घरमा सुतेको अवस्थामा लागेको आगोका कारण आमाछोरीको मृत्यु भएको भनी स्थानीयले प्रहरीलाई खबर गरेको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिएका हुन्।
जलेर मृत्यु भएको भनिएका आमाछोरी टिनले छाएको एकतले कच्ची घरमा बस्दै आइरहेका थिए । के कारणले आगलागी सुरु भयो भन्ने खुलिनसकेको प्रहरीले बताएको छन् ।
कोहलपुर खबर । ३० भाद्र २०८०, शनिबार १४:२०