३० मंसिर,काठमाडौँ । किनबेच हुँदैगर्दा २५ किलो चरेशसहित दुई जनालाई प्रहरीको लागूऔषध नियन्त्रण व्यूरोको टोलीले काठमाडौँको बलम्बुबाट पक्राउ गरेको छ।
चरेश किनबेच भइरहेको छ भन्ने विशेष सूचनाका आधारमा परिचालन गरिएको ब्यूरोको टोलीले चरेशसहित किनबेचमा संलग्न दुई जनालाई पक्राउ गरेको हो।
पक्राउ पर्नेमा धादिङ गल्छीस्थित कोइलीखर्कका भीमबहादुर तामाङ र सोही ठाउँका कान्छा तामाङ रहेका छन्।
ब्यूरोका प्रमुख, प्रहरी वरिष्ठ उपरीक्षक गोविन्द थपलियाले आज बिदा भएकाले भोलि अदालतबाट म्याद थप गरेर अनुसन्धान अघि बढाइने बताए।
दुई दिन अघि मात्रै अमेरिकाबाट पार्सल गरी ल्याइएको ५५ किलो गाँजा प्रहरीले बरामद गरेको थियो।
कोहलपुर खबर । ३० मंसिर २०८०, शनिबार २२:४९