२५ असार, बैतडी । बैतडीको मेलौलीमा आज दिउँसो बस दुर्घटना हुँदा एक जनाको मृत्यु १२ जना घाइते भएका छन । पञ्चेश्वरबाट मेलौली जाँदै गरेको लु २ ख २०११ नम्बरको पवनदुत यातायातको बस दिउँसो १ बजे मेलौली नगरपालिका ७ स्वाखानीमा पल्टिएको हो ।
दुर्घटनामा परी घाइते भएका ३९ जनाको उद्धार गरी केशरपुर प्राथमिक स्वास्थ्य केन्द्र मेलौलीमा पुर्याइसकिएको जिल्ला प्रहरी कार्यालयका शाहीले बताए । घाइतेहरुको परिचय खुलिनसकेको इलाका प्रहरी कार्यालय पाटनका प्रहरी निरीक्षक कमल चौधरीले जानकारी दिए।
अहिले घाइते यात्रुहरूको उद्धार भइरहेको जिल्ला प्रहरी कार्यालय बैतडीले जनाएको छ । बस सडकबाट २०० मिटर तल खसेको छ । मृतकको पहिचान नखुलेको जिल्ला प्रहरी कार्यालय, बैतडीका प्रमुख प्रहरी नायव उपरिक्षक प्रेम शाहीले बताए ।
दुर्घटनाका बिषयमा थप जानकारी आउन बाँकी रहेको प्रहरीले जनाएको छ ।
कोहलपुर खबर । २५ असार २०८०, सोमबार १४:४९