१० असार,बैतडी । निरन्तरको वर्षाका कारण बैतडीको जयपृथ्वी राजमार्ग गएरातिदेखि अवरुद्ध भएको छ । सडकमाथिबाट पहिरो खस्दा बैतडीको श्रीभावरमा यातायात सेवा पूर्णरूपमा बन्द भएको हो । पहिरो पन्छाउन जेसीबी सहित टोली पठाइएको भए पनि निरन्तर पानी परेकाले समस्या भएको जिल्ला प्रहरी कार्यालय बैतडीले जनाएको छ । यातायात सेवा पूर्ण रुपमा अवरुद्ध हुँदा यात्रु अलपत्र परेका छन्। बैतडी हुदै बझाङ जाने र बझाङबाट बाहिरिने यात्रु बीचबाटोमै अलपत्र परेका हुन् । पानी नरोकिदासम्म पहिरो पन्छाउन नसकिने र अवरुद्ध राजमार्ग सुचारु गर्न अझै केही समय लाग्ने बैतडीका प्रहरी प्रवक्ता प्रहरी निरीक्षक योगेश खत्रीले जानकारी दिनुभयो ।
कोहलपुर खबर । १० असार २०८०, आईतवार १०:४१