१२ माघ कोहलपुर । बाँकेको नेपालगञ्जमा भइरहेको चौथो प्रादेशिक औद्यौगिक लघु, घरेलु तथा कृषि, प्रविधि, व्यापार एवं पर्यटन महोत्सवमा आज राष्ट्रिय ख्याती प्राप्त कलाकारहरुको बेजोड प्रस्तुति रहेको छ । महोत्सवमा पाल्नुभएका सम्पुर्ण दर्शकहरुले भरपुर मनोरञ्जन भइरहेको देखिन्छ । गायक टंक तिमिल्सिना र गायिका श्रीदेवी चौधरीको महोत्सवमा प्रस्तुति रहेको छ।
दर्शकलाई मनोरञ्जन गराउन प्रत्येक दिन लुम्बिनी प्रदेश स्तरिय डान्स प्रतियोगिता हुने प्रचारप्रसार समितिका संयोजक भागवत प्रसाद कंडेलले जानकारी दिएका छन् महोत्सवको तेस्रो दिन सरस्वती पूजा पनि भएकोले दर्शकको उपस्थित भने राम्रो रहेको महोत्सव आयोजकले जानकारी दिएका छन् ।
नेपाल घरेलु तथा साना उद्योग महासंघ बाँके र सिवालय सेक्युरिटी एण्ड मल्टिपल प्रपोज कम्पनी प्रा. लि.को संयुक्त आयोजनामा माघ २४ गते सम्म नेपालगञ्जमा कृषि, व्यापार, पर्यटन तथा सांस्कृतिक महोत्सव संचालन रह्नेछ ।
कोहलपुर खबर । १२ माघ २०७९, बिहीबार १५:५६