८ पुष कोहलपुर / बाँकेको बैजनाथ गाउँपालिका वडा नं ४ बस्ने रमेश चन्द ठकुरीको मोटरसाइकल दुर्घटनामा परी मृत्यु भएको छ।
शुक्रबार बिहान कार्यलयबाट घर निस्किएका चन्द कोहलपुर सुर्खेत सडकखण्ड अन्तर्गत हर्रे र छिन्चुको बिच जङ्गलमा ओभर्टेग गर्ने क्रममा कर्णाली प्रदेश ०२००१ (क) ००११ नम्बर बसको ठक्करबाट घटना स्थलमै मृत्यु भएको ईलाका प्रहरी कार्यालय छिन्चुले जानकारी दिएको छ । बस र बस चालकलाई इलाका प्रहरी कार्यालय छिन्चुले नियन्त्रणमा लिएको छ।
त्यस्तै मृर्तकलाई पोस्टमार्टमको लागि मध्यपश्चिम क्षेत्रीय स्वास्थ्य निर्देशनालय मेहेलकुना अस्पतालमा लगिएको छ ।
मृर्तकका आफन्तहरु भने बाँकेको बैजनाथ गाउँपालिकामा चारबाट आउदै गरेको प्रहरीले जनाएको छ।
कोहलपुर खबर । ८ पुष २०७९, शुक्रबार २२:११