१८ चैत कोहलपुर / राष्ट्रिय दलित पत्रकार संघ बाँकेको प्रथम साधारण सभा तथा जिल्ला अधिवेशनले पत्रकार परियारको नेतृत्वमा १० सदस्यी कार्यसमितीलाई निर्वाचित गरेको छ ।
आज भएको प्रथम जिल्ला अधिवेशनबाट कविन्द्र परियार अध्यक्ष पदमा सर्वसम्मत निर्वाचित हुनुभएको हो । नव निर्वाचित पदाधिकारीहरुमा उपाध्यक्ष पदमा आशा परियार, सचिव पदमा शुभाकर विश्वकर्मा, सहसचिव पदमा बिजय परियार, कोषाध्यक्ष पदमा रामगोपाल विश्वकर्मा निर्वाचित हुनुभएको छ ।
यस्तै सदस्य पदमा क्रमश प्रमिला विक, शिवानी विक, शान्ती सुनार, देवि सुनार र उमेश दलामी सर्वसम्मत निर्वाचित हुनुभएको हो । राष्ट्रिय दलित पत्रकार संघ बाँकेका पुर्व अध्यक्ष रुपा गहतराजको अध्यक्ष्तामा भएको कार्यक्रममा बोल्दै कार्यक्रमका प्रमुख अतिथी नेपाल पत्रकार महासंघ लुम्विनी प्रदेशका सचिव शिव सुनारले दलित पत्रकारहरुको हकहितलाई उजागर गर्दै लैजाने र सम्पुर्ण दलित पत्रकारहरुलाई एकिकृत बनाउने संगठन नै राष्ट्रिय दलित पत्रकार संघ भएको उल्लेख गर्नुभयो ।
साथै उहाँले यो प्रतिस्प्रधाको जमनामा हरेक चुनौतीहरुलाई पार गर्न सक्ने क्षमता बनाउन अब निर्वाचित हुने नया कार्यसमितीलाई शुभकामना समेत दिनुभयो । यस्तै रेडियो प्रसारक संघका केन्द्रीय सदस्य एवम रेडियो प्रतिबोध एफ एमका स्टेशन म्यानेजर हेमन्त विकले जुझारु दलित पत्रकारको बाहुल्यता के कति रहेको छ भन्ने कुराको पुष्टि आज यसरी गरिएको कार्यक्रमले देखाएको र अगामी दिनमा यो संघले समाज पविर्तनका निम्ती आफना पाईलाहरुलाई निरन्तर अगाडी बढाउने छ भन्ने विशवास व्यक्त गर्नुभयो ।
कोहलपुर खबर । १८ चैत्र २०७९, शनिबार १९:४३