कात्तिक ३ कोहलपुर । इजरायलमा हमास समूहको आक्रमणमा परी मृत्यु भएका १० नेपाली विद्यार्थीमध्ये चार जानाको शव आइतबार नेपाल ल्याइने भएको छ ।
सम्पूर्ण कानूनी प्रक्रिया पूरा भएका ४ जना नेपाली विद्यार्थीको शव भोलि दिउँसो १ः२५ बजेको फ्लाइ दुबईको उडानबाट नेपाल पठाउन लागिएको तेलअविवस्थित नेपाली दूताबासकाले जानकारी दिएको छ । इजरायलबाट दुबईसम्म र दुबईबाट काठमाडौंसम्मपुग्ने व्यवस्था गरीएको छ ।
इजरायलबाट फ्लाई दुबईको उडान नम्बर एफजेड १२१० मार्फत दुबईसम्म ल्याइने र तत्पश्चात् फ्लाई दुबईकै उडान नम्बर एफजेड ८३५१ मार्फत काठमाडौँ पठाउने व्यवस्था मिलाइएको दूतावासले जनाएको छ। अन्य शवको भने पहिचानको काम भइरहेको पनि दूतावासले जानकारी दिएको छ।
सम्पर्कबिहीन रहेका विपिन जोशीको खोजीकार्य भइरहेको पनि दूताबासले जनाएको छ ।
कोहलपुर खबर । ३ कार्तिक २०८०, शुक्रबार २२:३०