१५ साउन, कैलाली । कैलालीमा ट्याक्टरको ठक्करबाट एक प्रहरी जवानको मृत्यु भएको छ ।
ट्याक्टरको ठक्कर बाट नेपाल प्रहरी विशेष सुरक्षा गण महेन्द्रनगरमा कार्यरत प्रहरी जवान कपिल कठायतको मृत्यु भएको प्रहरीले जनाएको छ । आइतबार साँझ पूर्वपश्चिम राजमार्ग अन्तर्गत गोदावरी नगरपालिका–३ को चौकीडाँडामा उनले चलाएको सुपप्र ०१०११ प ७३२० नम्बरको मोटरसाइकललाई सुपप्र ०१ ००२ त ६४१९ नम्बरको ट्याक्टरले ठक्कर दिएको थियो ।
सुदूरपश्चिम प्रदेश ट्राफिक प्रहरी कार्यालय अत्तरियाका अनुसार उनको सेती प्रादेशिक अस्पतालमा उपचारका क्रममा मृत्यु भएको हो । मोटरसाइकल पछाडि सवार अर्का जवान हेमराज ताउडाको अवस्था पनि गम्भीर रहेको छ। उनको माया मेट्रो अस्पतालमा आइसियुमा राखेर उपचार भइरहेको छ। ताउडा प्रहरी तालिम केन्द्र दिपायलमा कार्यरत प्रहरी जवान हुन् । ट्याक्टर र चालकलाई इलाका प्रहरी कार्यालय मालाखेतीले नियन्त्रणमा लिएको छ।
कोहलपुर खबर । १५ श्रावण २०८०, सोमबार १४:४७