४ असार,दाङ । बोक्सीको आरोप लगाउने दुई जना पक्राउ परेका छन्। आफ्ना छोरा छोरी बिरामी भएपछि छिमेकीलाई बोक्सीको आरोप लगाउने दाङको घोराही उपमहानगरपालिका वडा नं. ३ गैरीगाउँको संगम टोलकी ३३ बर्षीया सस्वती गुरुङ र घोराही – २ का झाँक्री ४५ बर्षीय यमबहादुर सार्कीलाई प्रहरीले पक्राउ गरेको हो ।
बोक्सीको आरोप लगाएपछि पीडित महिलाले सरस्वती र झाँक्री यमबहादुरविरूद्द प्रहरीमा जाहेरी दिएकी थिइन्। गत जेठ ३१ गते सस्वतीले आफ्ना छोराछोरी बिरामी भएपछि यमबहादुरलाई झाक्री बस्न बोलाएकी थिइन । जाहेरीका आधारमा झाँक्र्री बस्दा उनीहरुले बोलेका प्रमाणसमेत संकलन गरि प्रहरीले सस्वती र झाँर्की सार्कीलाई जेठ ३१ गते बिहान २ बजे झाँक्री बसिरहेकै अवस्थामा नियन्त्रणमा लिइएको डिएसपी गौतमले जानकारी दिए ।
दुबै जना पक्राउ परेका बिरुद्ध बोक्सीको आरोप सजाय ऐन २०७२ को उपदफा ३ को (च) अन्तरगत धामी झाँर्कीको माध्यमबाट बोक्सीको आरोप लगाउन नहुने सम्बन्धी कसुरमा मुद्दा चलाइएको उनले बताए।
जिल्ला प्रहरी प्रबक्ता डिएसपी राजन गौतमका अनुसार ‘म र मेरो कान्छी देउरानीलाई बोक्सी भन्दै हामीले मिलेर बुहारी सरस्वतीको बिरामी छोरालाई खान खोजेको भनेर झाँक्री बोलाइ हाम्रो प्रतिष्ठामा आँच आउने र सामाजिक रूपमै बहिष्कार गराउन खोज्ने विरूद्ध कानुनी कारबाही गरिपाउँ,’ पीडितले प्रहरीमा दिएको जाहेरीमा उल्लेख छ ।
पक्राउ परेका दुई ब्यक्तिका बिरुद्धमा जिल्ला अदालतबाट पाँच दिन म्याद थप गरी अनुसन्धान भइरहेको डिएसपी गौतमले जानकारी दिए।
कोहलपुर खबर । ४ असार २०८०, सोमबार ११:०८