१७ जेठ, कोहलपुर ।बाँकेको राप्तीसोनारी गाँउपालिका ८ मुगुवा खोला नजिकै ढकेरीमा मंगलवार कार दुर्घटनामा उपप्रधानमन्त्री तथा रक्षा मन्त्री पूर्ण खड्काको भाई बुहारी डा. सञ्जु खड्काको मृत्यु भयको छ ।
५३ वर्षीया सञ्जु खाती खड्काको उपचारका क्रममा कोहलपुर मेडिकल कलेजमा बेलुकी ८ बजेतिर मृत्यु भएको जिल्ला प्रहरी कार्यालय बाँकेका एसपी सन्तोषसिंह राठोरले बताए ।
मृतक सन्जु उपप्रधानमन्त्री तथा रक्षामन्त्री पूर्णबहादुर खड्काकी माइलो भाइबुहारी हुन्। सन्जुका पति प्रा.डा डम्बर खड्का कर्णाली प्रदेश अस्पतालका निर्देशक छन्।
सवारी दुर्घटनामा ज्यान गुमाएकी डाक्टर सञ्जु खाती खड्काको शव सुर्खेत लगिएको छ। इलाका प्रहरी कार्यालय कोहलपुरका प्रमुख प्रहरी नायब उपरीक्षक सुन्दर तिवारीले सञ्जुको शव गएराति गृह जिल्ला सुर्खेत पु¥याइएको जानकारी दिए ।
बसमा सवार ६जना यात्रु सामान्य घाइते रहेको प्रमुख प्रहरी नायब उपरीक्षक सुन्दर तिवारीको भनाइ छ । बस चालकलाई भने इलाका प्रहरी कार्यालय कोहलपुरले नियन्त्रणमा लिएको छ ।
कोहलपुर खबर । १७ जेष्ठ २०८०, बुधबार १२:४८