१२ जेष्ठ,कोहलपुर । बाँकेको नरैनापुर गाउँपालिकामा पछिल्लो समय गौ (गाई) हत्याको घटना बढ्न थालेको छ ।
नरैनापुर गाउँपालिकाका अध्यक्ष इस्तियाक अहमद शाहले हत्याको घटना बढ्न थाले पछि गाउँपालिकाले कडा कदम उठाएको छ । आज बसेको नरैनापुर गाउँपालिकाको बैठकले राष्ट्रिय जनावर गौ हत्यामा संलग्न भएको पाइएमा त्यस्ता व्यक्तिलाई एक वर्षसम्म गाउँपालिकाबाट दिइने कुनै पनि सेवा सुविधा नदिने निर्णय गरिएको छ ।
सुरक्षाकर्मीहरूलाई गाउँपालिकाले गौ हत्या नियन्त्रण गर्न अनुरोध समेत गरेको छ । गौहत्या गर्ने व्यक्तिको सम्बन्धमा सूचना दिने व्यक्तिलाई १५ हजार रुपैयाँ उपलब्ध गराउने समेत निर्णय भएको नरैनापुर गाउँपालिकाका अध्यक्ष इस्तियाक अहमद शाहले बताए ।
कोहलपुर खबर । १२ जेष्ठ २०८०, शुक्रबार १७:०३