२१ चैत, कोहलपुर । बाँकेमा खुल्ला साइक्लिङ प्रतियोगिता हुने भएको छ । कोहलपुर देउराली साइक्लिङ क्लबको आयोजनामा बाँकेमा पहिलोे पटक खुल्ला साइक्लिङ प्रतियोगिता हुन लागेको हो ।
प्रतियोगिता नयाँ वर्षको अवसरमा कोहलपुर चौराहदेखि देउरालीसम्म खुल्ला साइक्लिङ प्रतियोगिता हुने क्लबका सचिव अमित पाठकले कोहलपुर खबरलाई बताए । प्रतियोगितामा प्रथम हुनेलाई १५ हजार, दोसो हुनेलाई १० हजार र तेस्रो हुनेलाई ५ हजार पुरस्कार सहित प्रमाण पत्र दिइने उनले जानकारी दिए ।
“स्वस्थ जीवन स्वच्छ वातावरण तथा आन्तरिक पर्यटक प्रबर्धन गरौं” भन्ने मुल नाराका साथ आयोजना हुन लागेको प्रतियोगितामा भाग लिने व्यक्तिहरुले टिम दर्ता गराउन एक सय रुपैया लाग्ने पाठकले बताए । पाठकले साइक्लिङ गर्न र प्रतियोगितामा भाग लिन ईच्छुक ब्यक्तिहरुले कोहलपुर नगरपालिका ११ मा अबस्थित यति साइकल स्टोरमा आफ्नो टिम दर्ता गराउन आग्रह समेत गरे ।
कोहलपुर खबर । २१ चैत्र २०७९, मंगलवार १९:१६