१० चैत्र कोहलपुर । बाँकेको कोहलपुर १३ बिगाहामा जारी प्रथम गोल्डकपमा पत्रकारको टिम बिजयी भएको छ । शुक्रबार कोहलपुरका जनप्रतिनिधिहरुको टिमले निर्धारित समयसम्म गोल फर्काउन नसकेपछि पत्रकारको टिमले ४ गोल हानेको थियो ।
जनप्रतिनिधिको टिमसँग भएको मैत्रिपूर्ण खेलमा पत्रकारको टिमबाट जित दिलाउने क्रममा पत्रकार कुमार श्रेष्ठले २ र अशोक भण्डारीले १ गोल गरेका थिए । खेलको दोस्रो अन्तिम अवस्थामा पाएको पेनान्टी प्रहारलाई सदुपयोग गर्दै भगतराम थारुले थप १ गोल थपेपछि गोलसँख्या ४ पुगेको थियो ।
कोहलपुर खबर । १० चैत्र २०७९, शुक्रबार १९:५०