पुष ३ कोहलपुर।
बाँकेको कोहलपुरमा गए राति पिकअप भ्यानको ठक्करबाट ५२ बर्षिया एक जना महिलाको मृत्यु भएको हो । उक्त घटना कोहलपुरको पिपल चौतारा नजिकै भएको थियो।
नेपालगञ्जबाट कोहलपुरतर्फ जाँदै गरेको नेपाल बिधुत प्राधिकरण कोहलपुर बितरण केन्द्रको सरकारी गाडी बा १ ञ २४३८ नम्बरको पिकप भ्यानले ठक्कर दिँदा कोहलपुर नगरपालिका–११ निवासी उषा गुरुङको मृत्यु भएको हो । भ्यानको ठक्करले उषा गुरुङको घटनास्थलमै मृत्यु भएको थियो।
ठक्कर दिएर भागेको भ्यानलाई गए राति नै प्रहरीले नियन्त्रणमा लिएको छ। ठक्कर दिने भ्यान नेपाल विद्युत् प्राधिकरण कोहलपुरको रहेको इलाका प्रहरी कार्यालय कोहलपुरका प्रमुख प्रहरी नायब उपरीक्षक ऐनबहादुर मल्लले बताए।
कोहलपुर खबर । ३ पुष २०७९, आईतवार १०:२८