१९ साउन, कोहलपुर । महासंघको चुनावलाई लक्षित गर्दै शनिबार नेपाल प्रेस युनियन बाँके शाखाले युनियनको विशेष भेलामा गरेको हो ।
युनियनमा आबद्ध सदस्य तथा पदाधिकारीहरुबिच प्रेस युनियनका अध्यक्ष प्रियास्मृती ढकालले पछिल्लो समय एउटै संगठन भित्र गुट- उपगुट छुट्याउने परम्पराले गर्दा युनियनले कुनै पनि कार्यको सफलताभन्दा असफलता व्यहोर्नुपर्ने अवस्था आउन सक्छ त्यसैले युनियनमा आबद्ध सम्पूर्णले युनियनको हकका निमित्त कार्य गर्नुपर्ने अध्यक्षले बताएका छन् ।
युनियनलाई बलियो बनाउन आफु पनि चासो र चिन्ताका साथ लागिरहेको अध्यक्ष ढकालले जिकिर गरे । युनियनलाई अगाडी बढाउन सबैको जिम्मेवारि उत्तिकै रहेको बताएका छन्। अन्य संगठनमा आबद्ध हुनुभन्दा पहिला प्रेस युनियनमा बलियो भएर जान उनले आग्रह समेत गरे छन् ।
प्रेस युनियनको विशेष भेलाका प्रमुख अतिथि प्रेस युनियन लुम्बिनी प्रदेश महासचिव नवीन गिरिले आजैदेखि हामी मिसन महासंघमा लाग्नुपर्ने बताएका छन् । रणनीतिक रुपमा युनियन सफल भएको भन्दै पत्रकार महासंघको सदस्यता शुद्धीकरण समस्या समाधान गरेको जानकारी गराएका छन् । गिरीले भने, “आगामी पत्रकार महासंघको चुनावमा सकारात्मक नतिजा ल्याउन युनियनका प्रत्येक सदस्य जिम्मेवार भै समान रुपमा कमद चाल्नुपर्ने उनको धारणा थियो ।”
त्यस्तै प्रेस युनियन लुम्बिनी प्रदेश उपाध्यक्ष शुक्रऋषि चौलागाईंले हाम्रो टिम बलियो हुन जरुरी रहेको बताए। संगठन बलियो बनाउन सबै पदाधिकारीहरूको उत्तिकै महत्वपूर्ण भूमिका भएकोले पदिय सम्मान दिन नसक्नेले पदका लागि हानथाप गरी पदाधिकारीमा जान जरुरी नरहेको चौलागाईले आग्रह गरेका छन् ।
प्रेस युनियन बाँकेका निवर्तमान अध्यक्ष अर्जुन वलिले गठबन्धनको भर नपर्न सुझाव दिएका छन्। उम्मेदवार छान्न अनुहार हेर्नुभन्दा पनि मापदण्ड बनाएर अगाडी बढ्नुपर्ने उनको भनाइ रहेको थियो ।
आज भएको विशेष भेलामा उपस्थित युनियनका नेता तथा पदाधिकारीले संगठको इज्जत र मर्यादा बढाउन सक्नेलाई पदमा पुर्याउनु हाम्रो कर्तव्य र अधिकार हुने बताएका छन् । भेलामा नेपाल प्रेस युनियन बाँकेका पदाधिकारिहरु,प्रदेश तथा केन्द्रिय पदाधिकारी तथा सदस्यहरू लगायत प्रेस युनियनमा आबद्ध पत्रकारहरुको उपस्थिति थियो ।
कोहलपुर खबर । १९ श्रावण २०८१, शनिबार २१:१९