४ पुष कोहलपुर / लियोनल मेस्सीको कप्तानीमा रहेको अर्जेन्टिनाले ३६ वर्षपछि विश्वकपको उपाधि उचालेको छ। लुसैल स्टेडियममा आइतबार राति भएको फाइनलमा साविक विजेता फ्रान्सलाई पेनाल्टी सुटआउटमा ४–२ गोलको अन्तर८र रुले पराजित गर्दै अर्जेन्टिनाले विश्वकपको उपाधि जितेको छ ।
खेलको पहिलो हाफमा २–० ले अग्रता बनाएको अर्जेन्टिनाले दोस्रो हाफमा लगातार २ गोल फ्रान्सले लगेको थियो । निर्धारित समयमा २–२ को बराबरी भएपछि खेल अतिरिक्त समय भन्दा अझै बढाईएको थियो।
अतिरिक्त समयमा पनि दुवै टोलीले एक एक गोल थपेपछि खेल ३–३ को बराबरी भएको थियो।
अर्जेन्टिनाले यसअघि १९७८ मा नेदरल्याण्डस्लाई तथा १९८६ मा जर्मनीलाई हराउँदै अर्जेन्टिनाले विश्वकपको उपाधि उचालेको थियो।
खेल जीवनको उत्तरार्धमा रहेका कप्तान मेस्सीले यो आफ्नो लागि अन्तिम विश्वकप भएको बताइसकेका छन्।
कोहलपुर खबर । ४ पुष २०७९, सोमबार ००:४२