२६ फागुन, कोहलपुर । कोहलपुरमा अन्तर मा वि छैटौ उप मेयर कप जारी छ ।
उप मेयर कप अन्तर माध्यमिक विद्यालय स्तरीय छात्रा क्रिकेट प्रतियोगिता अन्तर्गत त्रिभुवन मा वि कोहलपुर र वालशिक्षा मावि भरैया फाइनलमा पुगेका छन् । शुक्रबार भएको पहिलो सेमिफाइनलमा त्रिभुवन मा वि ले गोरखा युनाइटेडलाई पराजित गरेको थियो भने अर्को सेमिफाइनलमा वालशिक्षा मा वि भरैयाले सगरमाथा ज्ञानपुञ माविलाई पराजित गरेको थियो ।
प्रतियोगिताको फाइनल खेल शनिवार विहान ११ बजे हुने नगर खेलकुद विकास समितिका संयोजक बुद्धि बहादुर थापाले जानकारी दिए । छैटौ अन्तर माध्यमिक बिद्यालय स्तरिय उप मेयर कप छात्रा क्रिकेट कप प्रतियोगितामा ९ वटा सामुदायिक तथा ९ वटा संस्थागत गरि जम्मा १८ वटा विद्यालयहरुले भाग लिएका थिए ।
छात्रा क्रिकेट प्रतियोगितामा प्रथम र द्वितिय हुनेलाई क्रमशः २१ हजार र १५ हजार नगद ट्रफी र मेडल प्रदान गरिने आयोजकले जनाएको छ । बाँकेको कोहलपुरमा छात्रा क्रीकेटको उद्गम स्थल हो पछिल्लो समयमा नगरपालिकाले खेलकुद अनि खेलाडिलाई प्रोत्साहन गर्न विभिन्न खेल सञ्चालन गर्दै आएको छ । प्रतियोगिता फाल्गुन १६ देखि शुरु भएको थियो ।
कोहलपुर खबर । २६ फाल्गुन २०८०, शनिबार ०८:३९