२६ साउन,दाङ । गएको साउन १० गते दाङको घोराहीमा एक युवकलाई धारिलो हतियार प्रहार गरी फरार भएका ६ जनालाई प्रहरीले पक्राउ गरेको छ । घोराही उपमहानगरपालिका–१८ शङ्खेपिपल नजिक घोराही–१३ लाहुरेडाँडाका १८ वर्षीय छोरा तीर्थबहादुर पुनलाई ६ जनाको समूहले धारिलो हतियार प्रहार गरी घाइते बनाएका थिए । गम्भीर घाइते भएका पुनलाई राप्ती स्वाथ्य विज्ञान प्रतिष्ठान घोराहीमा सामान्य उपचारपछि थप उपचारका लागि मेडिकल कलेज भैरहवामा रिफर भएको थियो । पुनको अहिले भैरहवा अस्पतालमा उपचार भैरहेको अस्पताललाई उद्धृत गर्दै प्रहरीले जनाएको छ । घटनामा संलग्न भइ फरार रहेका ६ जना आरोपितलाई बुधवार पक्राउ गरिएको जिल्ला प्रहरी कार्यालय दाङले जनाएको छ ।
कोहलपुर खबर । २६ श्रावण २०८०, शुक्रबार १०:२८