२१ साउन,डडेल्धुरा । डडेल्धुरामा लागुऔषधसहित दुई युवक पक्राउ परेका हुन् । पक्राउ पर्नेमा अछामको साँफेबगर नगरपालिका–४ का २९ वर्षीय अशोक स्वार र अछामकै चौरपाटी गाउँपालिका–४ बस्ने ३२ वर्षीय गणेश धामी हुन्।
आइतबार बिहान करिब पौने ८ बजेतिर उनीहरूलाई डडेल्धुराको अमरगढी नगरपालिका–१ स्याउलेबाट पक्राउ गरिएको जिल्ला प्रहरी कार्यालय डडेल्धुराका प्रमुख तथा प्रहरी नायब उपरीक्षक मनोहरप्रसाद भट्टले जानकारी दिएका हुन्।
धनगढीबाट अछामतर्फ जाँदै गरेको सुपप्र०३ ००१ प ००८४ नम्बरको मोटरसाइकलमा सवार स्वार र धामीलाई चेकजाँच गर्दा खैरो हेरोइन फेला परेको डिएसपी भट्टले बताएका हुन्।
कोहलपुर खबर । २१ श्रावण २०८०, आईतवार १६:४२