१८ साउन, कोहलपुर । कोहलपुर नगरपालिकाको वडा नं. ६ को कार्यलयले गत आर्थिक वर्ष २०७९/२०८० मा १५ वटा योजना बराबरका कार्यहरु सम्पन्न गरेको छ ।
एक वर्षको अवधिमा विकास निर्माण अन्तरगत विभिन्न शिर्षकमा पारित गएिका योजना मध्ये नाली निर्माण देखि सडक विस्तार लगाएतका योजनाहरु सम्पन्न भएको कोहलपुर नगरपालिका वडा नं. ६ का वडाध्यक्ष श्रीकृष्ण थारुले बताए । सम्पन्न गरिएका योजना मध्य वडालाई प्राप्त बजेट अनुसारको काम भएको थारुले बताए ।
योजनाहरु मध्य क्रमश : ओम शर्माको घरदेखी उत्तरहिरा शाहको घरसम्म र नैन सिंह गाहाको घरदेखी पुर्व जाने बाटो ३ लाखको ग्राभेलको काम सम्पन्न गएिको छ । यस्तै विपतरामको घरदेखी हरि प्रसाद थारुको घरसम्म नाली निर्माण ३ लाख, ईन्द्रवली थारुको घरदेखी धनिरामको घरसम्म बाटोमा माटो पटान तथा ग्राभेल र रझेना गाँउको कुवा मर्मत ३ लाख, वालविद्या टोलमा डुवान हुने क्षेत्रमा टिकाराम ढकालको घरदेखी दक्षिण बस्तिसम्म नाली निर्माण १० लाख, वडा कार्यालयमा माटो पटान र ट्रस्ट निर्माण ४ लाख वडाको मर्मत संभार कोषबाट वजेट विनियोजन गरी कार्य सम्पन्न गरिएको छ ।
यस्तै रत्न बहादुरको घरदेखी शिव गौतमको घरसम्म पक्की नाली निर्माण ३ लाख,वडा कार्यालय जाने बाटो स्तरउन्नती ५ लाख, सुतैया नाला जाने बाटोमा नाली निर्माण ३ लाख, वडा कार्यालयमा पर्खाल निर्माण ६ लाख ५० हजार, वडाको विभिन्न स्थानमा बाटो ग्राभेल २ लाख, वडाको विभिन्न स्थानमा होमपाइप जडान तथा ग्राभेल एक लाख, वडा कार्यालय धारा, ट्रस्टमा फलामको बेन्च र आलमोनियम ढोका जडान ८० हजार, रझेना थारु गाँउमा नाली निर्माण धार्मिक कुवा मर्मत तथा ग्राभेल ३ लाख, समरसेल धारा तथा हेन्ड पम्प जडान एक लाख, सिपमुलक तालिम एक लाख सहित बिभिन्न १५ योजनाहरु सम्पन्न गरेको वडाध्यक्ष थारुले कोहलपुर खबरलाई बताए ।
कोहलपुर नगरपालिका वडा नं. ६ को कार्यलयले गत आर्थिक वर्षमा वडा लाई बिनियोजित रकम ४९ लाख ३० हजारमा १५ वटा कार्य वडाले बिनियोजित बजेटबाट सम्पन्न गरेको छ । गत आर्थिक बर्षमा वडालाई ५२ लाख बजेट नगरपालीकाले छुट्याएको थियो । वडा अध्यक्ष चौधरीले यो आर्थिक वर्ष २०८०/०८१ म पनि कोहलपुर नगरपालिका सँग वडाको भौतिक पुर्वाधार तथा सम्रग विकासका लागी बजेट माग गरिएको बताए ।
कोहलपुर खबर । १८ श्रावण २०८०, बिहीबार ०९:३५