१७ साउन,कोहलपुर । बाँकेको कोहलपुर मा अहिले आँखा पाक्ने रोग फैलिएको छ । कन्जनटिभाइटिस भाइरसबाट लाग्ने सरूवा रोगका कारणले यो आँखा पाक्ने रोग देखा पर्ने गरेको छ ।आँखा पाक्ने रोग बाट खास गरी धैरे मात्रामा बालबालिका संक्रमित भयका छन् यो रोगले बढि विधालयका बालबालिकाहरु अस्पताल आउने गरेका छन् ।
रोगको लक्षणकारुपमा आँखा रातो हुने, चिलाउने, आँखाबाट रगत मिसिएको आँसु आउने, जस्ता समस्या देखिने गरेको छ । यो रोगको सङ्क्रमणबाट जोगिनका लागि सङ्क्रमित व्यक्तिको नजिक नबस्ने, भिडभाडमा नजाने, बिरामीले प्रयोग गरेका औषधि, रुमाल, प्रयोग नगर्ने आँखा रोग विशेषज्ञ डाक्टरले जानकारी दिएका छन् ।
त्यस्तै औषधि प्रयोग गरिसकेपछि हातधुने, आँखा नछुने तथा चस्माको प्रयोग गर्नुपर्ने नेपालगन्ज मेडिकल कलेज शिक्षण अस्पताल कोहलपुर को प्रोफेसर आँखा रोग विशेषज्ञ डाक्टर नन्दा गुरुङले सुझाव दिएकि छिन् । साथै अनावश्यकरुपमा भिडभाडमा नजाने तथा जानै परे चस्माको प्रयोग गरी आखाँको ख्याल गर्न उनले आग्रह गरेकि छिन् ।
कोहलपुर खबर । १७ श्रावण २०८०, बुधबार १३:२०