१२ असार, कोहलपुर । बकर ईदको अवसरमा सरकारले असार १४ गते सार्वजनिक विदा दिएको छ ।
गृह मन्त्रालयले ईद उल अजाह अर्थात् बकर ईदको अवसरमा मंगलवार सूचना जारी गरेर असार १४ गते सार्वजनिक विदा दिने निर्णय भएको जानकारी दिएको हो ।
बकर ईदको दिन इस्लाम धर्मावलम्बीले बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि एकापसमा शुभकामना आदानप्रदान गर्ने गरिएको छ ।
ईद उल अजाह अर्थात् बकर ईद मुस्लिम समुदायको महान पर्व हो ।
कोहलपुर खबर । १२ असार २०८०, मंगलवार १६:३४