१५ असार, कोहलपुर/ मध्यरातबाट परेको भारी बर्साले बाकेको राप्ती नदीमा खतराको सतहमा भन्दा माथी पानी पुगेको छ । राप्ती नदीमा पानीको सतह बढिरहेको र चेतावनीको सतहभन्दा माथि पुगेको जल मापन केन्द्र कुसुमले जनाएको छ । बुधवार विहान ९ बजे राप्ती नदीमा पानीको सतह ५ दशमलव १८ मिटर रहेको छ । कुसुमस्थित राप्ती नदीमा पानीको सतह ५ मिटर रहे चेतावनीको सतह र ५ दशमलव ४ मिटर भए खतराको सतह मानिन्छ ।
चेतावनीको सतहभन्दा माथि पुगेपछि नदी तटिय क्षेत्रका बासिन्दालाई सजग रहन निर्देशन दिएको बाँकेका प्रमुख जिल्ला अधिकारी सूर्यबहादुर खत्रीले बताए ।
राप्ती नदीमा खतराको सतहमा पानी भए डुडुवाको होलिया, चौफेरी, बेतहनी, कम्दी र राप्तीसोनारी गाउँपालिकाको बैजापुर, बिनौना, फत्तेपुर लगायत क्षेत्र डुवानमा पर्ने गरेका छन् ।
कोहलपुर खबर
कोहलपुर खबर । १५ असार २०७९, बुधबार ०९:४४