१८ बैशाख,कोहलपुर / मंगलवार रातीदेखि नेपाल–भारत जमुनाहा सिमा नाका दुई दिन बन्द गरिने भएको छ । बाँके जिल्लासँग सिमाना जोडिएको भारतको उत्तर प्रदेशको बहराइच जिल्लामा वैशाख २१ गते हुने नगर पञ्चायतको निर्वाचनका लागि नाका बन्द गर्न लागिएको हो ।
मंगलवार १९ वैशाख राती १२ बजेदेखि २१ गते बेलुका ६ बजेसम्म जमुनाहा नाका पूर्णरुपमा बन्द गरिने जानकारी भारतीय सुरक्षा अधिकारीलेदिएका छन् । त्यसको जानकारी नेपाली सुरक्षा निकायलाई पनि पठाइएको बताए।
खुला सीमाका कारण निर्वाचनका बेला सुरक्षाचुनौती बढ्नसक्ने भएकाले निर्वाचनका लागि दुई दिन सीमा नाका बन्द गर्न लागिएको हो। त्यसक्रममा सशस्त्र प्रहरी बल र भारतीय सुरक्षा बल, एसएसबीका स्थानीय अधिकारीबीच संयुक्तगस्तीका लागि छलफल पनि भएको थियो।
नाका शील गरेर सीमा क्षेत्रको दशगजा क्षेत्रमादुई देशका सुरक्षाकर्मीले संयुक्तरूपमा गस्ती गर्ने तथा सुरक्षा संवेदनशीलताअनुसार कामगर्ने सहमति उनीहरुबीच भएको जनाएका छन् ।
सीमा शील गरिएको अवधिमा एम्बुलेन्स,बिहेजन्तीलगायत अत्यावश्यक सेवालाई दुवै देशका सुरक्षाकर्मीको समन्वयमा आउन जान दिइनेभारतीय सुरक्षा अधिकारीले जनाएका छन् ।
खुला सीमाका कारण साइड नाकाहरूमा पनि विशेष निगरानी बढाइएको जनाउँदै सशस्त्र प्रहरीको बागेश्वरी ३० नम्बर गणले ती क्षेत्रमा कडाइ गरेको जनाएको छ ।
नानपाराका क्षेत्राधिकारी राहुल कुमार पाण्डेय, पुलिस अधीक्षक प्रशान्तकुमार वर्मासहितको टोली लिएर आएका जिलाधिकारी डा। चन्द्राले सुरक्षाका तमाम चुनौतीसँगै दोहोरो नागरिकताको सवाललाई निर्वाचनमा विशेष ख्याल गरिएको संकेत दिएका हुन् ।
कोहलपुर खबर । १८ बैशाख २०८०, सोमबार १५:१०