माघ, १० दाङ/ घोराहीमा एम्बुलेन्सको ठक्करबाट मोटरसाइकल चालकको मृत्यु भएको छ ।
घोराही उपमहानगरपालिका वडा नं.१० का ४५ बर्षीय पूर्ण मगरको उपचारका क्रममा भैरहवामा मृत्यु भएको जिल्ला प्रहरी प्रबक्ता डिएसपी राजन गौतमले जानकारी दिएकाहुन ।
घाइते मगरलाई उपचारका लागि सुरुमा घोराही स्थित राप्ती स्वास्थ्य बिज्ञान प्रतिष्ठानमा लगिएको हो । त्यहाँ उपचार संभव नभएपछि थप उपचारका लागि राति नै भैरहवा मेडिकल कलेज भैरहवा पठाइएको हो ।
मगरको उपचारका क्रममा सोमबार राती दुई बजे मृत्यु भएको प्रहरी प्रबक्ता गौतमले जानकारी दिएका थिए ।
रोल्पाबाट घोराही तर्फ आउँदै गरेको रा १ झ १९७ नम्बरको एम्बुलेन्सले विपरित दिशातर्फ जाँदै गरेको रा ६ प ८९८५ नम्बरको मोटरसाइकललाई घोराहीको दामोदर चोकमा आइतबार राति ९ बजेतिर ठक्कर दिएको थियो ।
एम्बुलेन्स चालक रोल्पाको त्रिबेणी गाउँपालिका २ का २८ बर्षीय निर्मल बुढा प्रहरी नियन्त्रणमा छन् ।
कोहलपुर खबर । १० माघ २०७९, मंगलवार १३:३४