११ असोज कोहलपुर / युईएफए नेसन्स लिग फुटबलको लिग ए को समूह ३ बाट इटाली फाइनल्स फोरमा प्रवेश गरेको छ।
बुढापेस्टमा भएको खेलमा हंगेरीमाथि २(० को जित निकाल्दै इटाली समूहको शीर्ष स्थानमा पुगेको हो।
इटालीको जितमा जियाकोमो रास्पाडोरी र फेडरिको डिमार्कोले समान १(१ गोल गरेका थिए। पुस्कास एरिना बुढापेस्टमा सोमबार राति भएको खेलको २७औँ मिनेटमा जियाकोमो रास्पाडोरीले गोल गर्दै इटालीलाई अग्रता दिलाएका थिए। दोस्रो गोल भने ५२औँ मिनेटमा फेडरिको डिमार्कोले गरेका थिए।
बुढापेस्टमा इटालिलले १९९६ पछि पहिलो जित निकालेको हो। रोवर्ट मान्सीनीको इटालिविरुद्ध घरेलु टिमले अन्तिम समयमा गरेका केही उत्कृष्ट प्रहारलाई गोलरक्षक जियानलूईगी डोनारुम्बाले बचाएका थिए।
कोहलपुर खबर । ११ आश्विन २०७९, मंगलवार ०९:०८