थिङ्क एजुकेशन कनसल्टेन्सीको शैक्षिक गोष्ठि तथा सांस्कृतिक कार्यक्रम सम्पन्न

१७ असोज, कोहलपुर । थिङ्क एजुकेशन कनसल्टेन्सी कोहलपुरले शैक्षिक गोष्ठि तथा सांस्कृतिक कार्यक्रम एबं. नेपालिहरुको महान चार्ड बडा दशैं तथा दिपावलिको शुभकामना आदानप्रदान कार्यक्रम सम्पन्न गरेको छ ।

कोहलपुर नगरपालिका प्रमुख पुर्ण प्रसाद आचार्यको प्रमुख आतिथ्यता तथा कोरियाको एआइपी ग्रुपका कार्यकारी प्रमुख पार्क जोङ चुलको बिशिष्ट आतिथ्यतामा कार्यक्रम सम्पन्न गरेको हो । पछिल्लो समय कोरियामा जाने नेपालीहरुले आधारभूत कुराहरु जानकारी नपाउँदा दुःख पाउने गरेको परिपेक्षमा कोरियाको एआइपी ग्रुपका कार्यकारी प्रमुख पार्क जोङ चुलले कोरिया जान चाहाने बिद्यार्थीहरुलाई अभिमुखिकरण समेत गरेका थिए ।

थिङ्क एजुकेशन कनसल्टेन्सीले कोहलपुरले आयोजना गरेको शैक्षिक गोष्ठि तथा सांस्कृतिक कार्यक्रम सहभागी हुन आएका जोङ चुलले पछिल्लो समय नेपालीहरु कोरियान सामान्यतया भाषा पढेर गएता पनि त्यहाँको धेरै कुराहरु बारे जानकार नहुँदा विभिन्न समस्याहरु भोग्नुपर्ने बाध्यता रहेको बताए । कोरियामा पढुन जान ईच्छुकका लागी मास्टर डिग्री दुई वर्ष र बेसिक म्यानेजम्यान्ट मात्रै कोर्षहरु रहेको बताएका थिए । उनले विद्यार्थीहरुलाई कोरिया पठाउने बाहानामा ठगिन बाट कसरी बच्ने लगायतका धेरैकुराहरुको अभिमुखिकरण दिएका थिए ।

थिङ्क एजुकेशनल कनसल्टेन्सीले शैक्षिक गोष्ठि तथा सांस्कृतिक कार्यक्रममा बोल्दै कोहलपुर नगरपालिका मेयर पूर्णप्रसाद आचार्यले पछिल्लो समय सरकारले रोजगारको सिर्जन गर्न नसक्दा देश बनाउने युवाहरु दिनप्रतिदिन विदेशीनु पर्ने बाध्यता रहेको भन्दै चिन्ता व्यक्त गरेका थिए ।

उनले यसप्रति अब तिनै तहका सरकारले गम्भिर रुपमा सोच्नुपर्ने अवस्था आएको बताए । युवाहरु नेपालमा केही हुँदैन भन्ने नकरात्मक मानशिक्ताले पनि दक्ष जनशक्ति पाउन मुस्किल परेको बताए । विदेशमा पनि सोचेजस्तो सुख नहुँने बताउँदै उनले जानै परे सिप सिकेर मात्रै जान आग्रह गरे । सिप सिकेर जादा काम पाउन सहज हुनुका सथै दुःख नपाइने बताएका छन् ।

सो अवसरमा थिङ्क एजुकेशनल कनसल्टेन्सीले शैक्षिक गोष्ठि तथा सांस्कृतिक कार्यक्रममा दशैंको शुभकाना आदानप्रदान गर्नुका साथै विद्यार्थीहरुले विभिन्न सास्कृतिक झल्काउने नृत्य प्रस्तुत गरेका थिए ।