कर्णाली पुल आजबाट सञ्चालनमा

५  चैत, कैलाली । आगलागी हुँदा कर्णाली पुलमा क्षति भएसँगै एक हप्तादेखि बन्द रहेको पुल सोमबार (आज) देखि सञ्चालनमा आएको छ ।

लाइटर बोकेर सुदूरपश्चिम जाँदै गरेको ट्रकमा आगलागी भएपछि उक्त पुलमा सामान्य क्षति पुगेको थियो । सडक डिभिजन कार्यालयले उक्त आगलागीबाट पुलमा भएको क्षतिको प्राविधिक मूल्यांकन गरेको थियो ।

पुललाई सपोर्ट दिइएको डोरीको बाहिरी भागमा सामान्य क्षति भए पनि अन्य क्षति नभएपछि आजदेखि पूर्णरुपमा पुल सञ्चालनमा ल्याइएको सडक डिभिजन कार्यालय नेपालगन्जका डिभिजन प्रमुख निरज शाक्यले जानकारी दिए ।