कात्तिक, कोहलपुर । जाजरकोटमा गएराती गएको भुकम्पबाट पिडित परिवारहरुलाई राहत प्रदान गर्न नेकपा माओवादी केन्द्र कोहलपुर नगर समितिले राहत संकलन सुरु गरेको छ ।
माओवादी केन्द्र कोहलपुर नगर समितिको शनिबार बिहान बैठक बसी १५० बोरा चामल सङ्कलन गरेको कोहलपुर नगर अध्यक्ष अबराज खड्काले जानकारी दिए । भुकम्प बाट ठुलो मात्रामा धनजनको क्षेति भएको सामाचार बाहिर आएपछि नेकपा माओवादी केन्द्रले सम्पुर्ण पार्टी पंक्तिलाई राहत तथा उद्दारमा लाग्न एक विज्ञप्ती मार्फत अपिल गरेको छ । केन्द्र पार्टीले गरेको अपिल अनुसार कोहलपुर नगर पार्टीको बैठक बसी राहत संकलनमा जुट्न सबैलाई परिचालन गरिएको अध्यक्ष खड्काले बताए ।
अध्यक्ष खड्काका अनुसार कोहलपुर नगरपालिका वडा नं. ३ मा कोहलपुर पार्टीका नगर सल्लाहकार पदम केसीको पहलमा ६० बोरा चामल संकलन भएको छ । केसीले ३० बोरा, कोहलपुर ३ कै संगिता केसी अध्यक्ष रहेको दिदिबहिनि समुहले १० बोरा, राजेश भारतीले १० बोरा र ईन्दिरा भारतीले १० बोरा तथा देबी गौतमले ७ किलो दाल र शरण के सीले २ पेटि तेल माओवादि केन्द्रलाई सहयोग स्वरूप उपलब्ध गराएका छन ।
नगर समितिको बैठकले भुकम्प पिडितहरुका लागि राहत र उद्दार कार्यमा यथासिघ्र लाग्न नगरका सबै वडालाई निर्देशन गरिएको र वडा समितिहरु तत्काल राहत संकलनमा जुटिसकेको नगर अध्यक्ष खड्काले बताए । अध्यक्ष खड्काले भने, धेरै जसोले पैसा दिएका छन, नगद जम्मा भएको रकमबाट आवश्य्य खाध्यसामग्री खरिद गरिनेछ र संकलन गरिएको राहत सामाग्रीलाई सरोकारवाला निकाय संग समन्वय गरि एकमुष्ट हस्तान्तरण गरिने छ ।
कोहलपुर खबर । १८ कार्तिक २०८०, शनिबार १५:३१