१४ कार्तिक, कोहलपुर । बाँकेको कोहलपुरमा संचालन हुन गईरहेको मुख्यमन्त्रि कोहलपुर गोल्ड कपको सम्पुर्ण तयारी पुरा भएको छ ।
कार्तिक १५ गतेदेखि २२ गते सम्म संचालन हुने मुख्यमन्त्रि कोहलपुर गोल्डको तयारी पुरा भएको आयोजक रेसिङ्ग सहारा क्लव कोहलपुरले जनाएको हो । मुख्यमन्त्रि कोहलपुर गोल्डको लुम्बिनी प्रदेशका मुख्यमन्त्रि डिल्ली बहादुर चौधरीले बुधबार उद्घाटन गर्ने कार्यक्रम रहेको गोल्ड कपका खेल संयोजक राम बहादुर मल्लले जानकारी दिए ।
उद्घाटन समारोह पश्चात हुने उद्घाटन खेल आयोजक क्लव कोहलपुर रेसिङ्ग सहारा क्लव कोहलपुर र चर्च ब्वाईज युनाईटेड काठमाडौं बिच दिउँसोे २ बजे हुनेछ । नकआउट चरण अन्तर्गत खेलिने खेलमा बिजेता टिमले आठ लाख रुपैया नगद सहित मेडल र उपबिजेता टिमले ४ लाख नगद सहित मेडल पाउने छन ।
कोहलपुर गोल्ड कपका खेल संयोजक मल्लका अनुसार दर्शक ब्यबस्थापनका लागि ३ हजार दर्शक अटाउने क्षमताको अस्थाई प्याराफिडको काम भईरहेको छ भने मैदानलाई चारै तर्फ बाउन्ड्रि गरीएको छ । खेल मैदानमा दुई वटा मुख्य प्रबेशद्वार र दुई वटा आपतकालिन द्धारको निर्माण कार्य सम्पन्न भएको छ । अस्थाई शौचालय संगै नेपालगञ्ज उपमहानगरपालिकाको सहयोगमा घुम्ति शौचालयको ब्यबस्था, पिउने पानीको ब्यवस्था, बृद्ध तथा अपाङ्गहरुको लागी छुट्टै बसाई ब्यबस्थापन गरीएको र प्रत्यक खेलाडिको विमा पनि गरिएको संयोजक मल्लले बताए ।
पत्रकारहरुको जिज्ञासामा राष्ट्रिय खेलकुद परिषद लुम्विनी प्रदेश सदस्य सचिव जय प्रसाद भट्टराईले खेल सञ्चालनको दौरान राखेपको नियमन रहने बताए । सुरक्षा, खेलको नियमको अनुगमन समेत राखेपले गर्ने भन्दै भट्टराईले खेलका क्रममा कुनै समस्या आईपरेमा प्रदेशले समेत हेर्ने बताए । बाँकेको कोहलपुरमा हुन गईरहेको गौरवको खेल मार्फत बाँकेको पर्यापर्यटन र बाँकेका आर्कषक गन्तब्यको समेत प्रचार प्रसार गर्न पत्रकारहरुले आयोजक क्लवलाई सुझाब दिएका छन ।
उद्घाटनको पुर्ब सन्ध्यामा खेल तयारी बारे जानकारी दिने एक औपचारीक कार्यक्रममा राष्ट्रिय खेलकुद परिषद लुम्विनी प्रदेश सदस्य सचिव जय प्रसाद भट्टराई, राष्ट्रिय खेलकुद परिषद लुम्विनी प्रदेश सदस्य नरेन्द्र थापा, राष्ट्रिय खेलकुद परिषद सदस्य एलबि क्षेत्रि, राष्ट्रिय म्याच कमिस्नर दयाराम सापकोटा, कोहलपुर नगरपालिकाका बिभिन्न वडाका वडा अध्यक्षहरु, राजनैतिक दलका प्रतिनिधि लगायतको सहभागीता रहेको थियो ।
मुख्यमन्त्रि कोहलपुर गोल्ड कपमा आयोजक कोहलपुर रेसिङ्ग सहारा क्लव बाँके, चर्च ब्वाईज युनाईटेड काठमाडौं, गोखा ब्वाईज स्पोट्स क्लव बुटवल, सुदुरपश्चिम ११ स्पोट्स क्लव धनगढि, त्रिभुवन आर्मी क्लव काठमाडौं, बि.एफ.सि. चितवन क्लव चितवन, एभिनियर एफ.सि क्यामरुन र दधौली स्पोट्स क्लव सिन्धुली सहित जम्मा ८ टिमे सहभागि हुनेछन् ।
कोहलपुर खबर । १४ कार्तिक २०८०, मंगलवार २०:४२