घोडाबाट लडेर घाइते भएका रावतको नेपाल एअरलाइन्सले ग¥यो उद्धार

१८असोज,जुम्ला । जुम्लाको पातारासी गाउँपालिका ४ का एक जना पुरष घोडाबाट लडेर गम्भीर घाइते भएका छन । घोडबाट लडेर उहाँँको टाउकोमा गम्भीर चोट लागेकाले गएको छ दिनदेखि कर्णाली स्वास्थ्य विज्ञान प्रतिष्ठान शिक्षण अस्पतालको भेन्टिलेटरमा उपचार भइरहेको थियो । प्रतिष्ठानमा सिटी स्क्यान मेशिन बिग्रँदा चिकित्सकले अन्यत्रै लैजान भने पछि दीपबहादुर रावतको नेपाल एअरलाइन्सले उद्धार गरेको छ । गएको बिहीवार रावत पातारासी–४ कै लुम पुल नजिक घोडाबाट लडेर गम्भीर घाइते हुनुभएको थियो ।आज एअरलाइन्सले बिरामीसहित दुई जना कुरुवा राखेर उपचारका लागि पठाएको नेपाल एअरलाइन्स जुम्लाका प्रमुख देवी न्यौपानले बताउनुभयो । मौसम खराबीले जहाज आउन नसक्दा दुर्घटनामा परेका रावतको उद्धार हुन सकिरहेको थिएन ।