२० असार, सल्यान । सल्यान जिल्लाको बागचौर नगरपालिकामा आज विहान ट्र्याक्टर दुर्घटना हुँदा तीनजना गम्भीर घाइते भएका छन्। जिल्लाको बागचौर–२ थारमारे बजारबाट वडा नं । १ ठिनवाङ जिउला जाँदै गरेको रा १ त ३२६३ नम्बरको ट्र्याक्टर ठिनवाङ जिउलामा दुर्घटना भएको जिल्ला प्रहरी कार्यालय सल्यानले जनाएको छ। दुर्घटनामा परी चालक बागचौर नगरपालिका १ गैरावेदका २४ वर्षीय युवराज रोकाय, ४५ वर्षीय कालिबहादुर बस्नेत र बागचौर नगरपालिका १० पिपलनेटाका ५० वर्षीय लालबहादुर विक घाइते भएको थप उपचारका लागि जिल्ला अस्पताल पठाइएको छ भने चालक रोकायको बागचौरस्थित जनप्रिय पोलिक्लिनिकमा उपचार भइरहेको छ। ट्याक्टर सडकबाट १०० मिटर तल खसेको छ । दुर्घटनाको कारण खुल्न नसकेको र अनुसन्धान भइरहेको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिएका छन।
कोहलपुर खबर । २० असार २०८०, बुधबार १३:१२