६ असोज, दाङ। दाङमा ज्यान मार्ने उद्योग मुद्धाका फरार एक जनालाई प्रहरीले पक्राउ गरेको छ ।
गत माघ १० गते सर्वोच्च अदालत काठमाण्डौंबाट ज्यान मार्ने उद्योगमा ४ वर्ष ८ महिना २२ दिन कैद सजाए फैसलाभई फरार रहेका जिल्लाको गढवा गाउँपालिका वडा नम्बर ४ वस्ने ३९ वर्षिय बिरेन्द्र चौधरीलाई प्रक्राउ गरिएको जिल्ला प्रहरी कार्यालय दाङले जानकारी दिएको छ ।
फरार चौधरीलाई हिजो बिहीबार गढवा गाउँपालिका वडा नम्बर -४ स्थित लुकिछिपी बसेको अवस्थामा फेला पारेको प्रहरी नायव उपरिक्षक जनकराज मल्लले बताए । पक्राउ परेका चौधरीलाई दाङ जिल्ला अदालतमा बुझाईएको छ ।
कोहलपुर खबर । ६ आश्विन २०८०, शनिबार १०:४४