१९ भदौ,धनगढी । कैलालीमा विद्युतीय धरापमा परेर एक महिलाको मृत्यु भएको छ। जंगली जनावरका लागि खेतमा थापेको विद्युतीय धरापमा धनगढी उपमहानगरपालिका–३ की ३२ वर्षीया मञ्जु कुँवरको सोमबार राति ११ बजेतिर धरापमा परेर मृत्यु भएको वडाध्यक्ष राजबहादुर ऐरले जानकारी दिए।गौरीफन्टा नाकामा मजदुरी गरेर घर फर्कने क्रममा उनी धरापमा परेकी थिइन्। उपचारका लागि माया मेट्रो अस्पताल लगिएकोमा चिकित्सकले मृत घोषणा गरेका थिए।जंगली जनावरबाट धानबाली जोगाउन भन्दै खेतको आलीमा स्थानीय ४८ वर्षीय जंगलिया चौधरीले करेन्ट प्रवाह गरेको र त्यही करेन्ट लागेर मञ्जु कुँवरको मृत्यु भएको प्रहरीको भनाइ छ ।उनको शव सेती प्रादेशिक अस्पतालमा राखिएको छ ।
कोहलपुर खबर । १९ भाद्र २०८०, मंगलवार ११:१५